السبت، 22 مارس، 2014

ارجو المساعدة



ارجو المساعده ضرورى وكمان ياريت تشيرى الرساله دى فى اكتر من صفحه عشان اكبر عدد من الناس يشوفها الحكايه باختصار انى عملت حادثه بعربيتى وخبطت عربيه تانيه الراجل كان ماشى فى حاله انا اللى خبطه غصب عنى لان السرعه خانتنى وكمان كنت ساعتها بزعق لابنى وابن اختى ورا عشان عاملين مشاكل المهم انى خبطه بوظتله الباب بتاع عربيته بالزجاج ولقيت ابنى بيصوت بيقولى جنبى وراسى هموت معرفتش افكر دخلت شارع جانبى علشان اوديه اقرب مستشفى لانى عارفه المنطقه كويس وارقب مستشفى كانت مستشفى 75375 طبعا انا عارفه ملهاش علاقه بس انا قلت اى دكتور يطمنى عليه المهم صاحب العربيه افتكرنى بهرب جرى ورايا رحت لما شفته وقفت قلت افهمه الوضع اول ما وقفت الناس شافونى بعيط وبقوله اودى ابنى بس المستشفى وخد اللى انت عايزه تعالى معايا انا غلطانه الناس اتعاطفت معايا ومشتنى ومرضيتش تخليه ياخد رقمى المشكله بقى ان ضمير تعبنى اوى ونفسى اصلحله العربيه بس والله العظيم الناس اللى صممت امشى لدرجه انهم زقوا العربيه بتاعتى وواحد دخل ايده من الزجاج وحرك الدريكسيون عشان انا مكنتش عايزه امشى انا عايزه اوصلل للراجل ده مش عارفه ازاى عشان احاول اعوضه ارجوكى انشري الرساله فى كل الصفحات عسى ان حد يعرف مراته او حاجه لانى بجد مش عارفه اعمل ايه انا مش عارفه انام

الأربعاء، 19 مارس، 2014

رسالة من انسان محتار


( رجاءا ً بدون التجريح في اي طرف )
لو سمحت انا عايز رسالتي تنزل بسرعة ضروري علشان عايز اخد قرار وعاوزكم تساعدوني فيه 
انا خطبت واحده من شهر تقريبا وكنا كويسين اوي مع بعض لغاية دلوقتي بس انا في واحد قالي انه كان على علاقة بيها وهي قالتلي انه كان عايز يتقدملها و اهلها رفضه علشان هو اصغر منها وهو زميلها في الكليه انا اكبر منها باربع سنين ومبسوط ماديا بس المشكلة مش في كده هو بيقول انها مراته وفيه علاقه بينهم مع ان مامتها قايلالي على كل حاجه وهو بيقول انه حصل بينهم حاجات مش كويسة في بيتها وبعتلي صور ليها في اوضتها بس هي بتقول ان الصور دي اخواتها كانوا مصورينها ليها وفي واحده صاحبتها سرقتها من عندها انا تعبان اوي ومش عارف اعمل ايه انا متعلق بيها بس عايز اتأكد علشان لو سيبتها مبقاش ندمان ردوا عليا بالله عليكم

الأحد، 16 مارس، 2014

رسالة من انسانة حزينة






سلام عليكم على احلي صفحه مشكله بس بدون اسمى من فضلكو
انا متجوزه من اربع سنين عندى ولد الحمدلله انا بنت وحيده اتجوزت دكتور جواز صالونات..مشكلتى بدأت ان انا علاقتى بامى وحشه جدا مش بتحتوينى ولا بتحس بيه وعمرنا ما كنا اصحاب كان بيجينى عرسان كتير جدا بس والدى كان بيرفض كتير من غير حتى.ما يرجعلي واول عريس وافق انه يدخله البيت كان جوزى الحالي ..كنت مقرره انى هوافق عشان اخلص كن غطرسه امى.وسلبيه ابويا ..انا هكلمكو بكل صراحه لانى.محتاجه تساعدونى انا فيه عيوب كتير بس انا فيه ميزه انى فعلا طيبه واللي يعاملنى كويس اديله عنيه وابديه عن نفسي..المهم خطيبي ده مقتنعتش بيه تماما وكنا بنتخانق كتير جدا جدا ومع ذلك ولا مره اتجرأت.انى افسخ الخطوبه.نسيت اقولكو انى.افضل منه اجتماعيا خصوصا ان احنا مدنيين وهم ريفين بس هم مرتاحين ماديا وده عيبي التانى انى فعلا بصيت للماديات لشقته وعربيته وده طبعا غلط لسبب بسيط جدا انى فعلا مبحبوش ولا مالي عينى ولا عارفه اتأقلم معاه او.مع اهله لاننا ساكنين فبيت عيله وبرضه بعامل اهله بما يرضي الله بس فنفس الوقت انا فحالي مش مخلطه عليهم وده عيبي التانى انى مش قادره اتأقلم معاهم ومع طريقتهم لانهم مختلفين عننا فاسلوب الحياه اكيد لو.كانو زينا كنت هحبهم وهحب اقرب منهم..المهم انا اكتشفت ان جوزى بيتعاطى ترامادول ربع حبايه الصبح وربع بليل وطبعا حشيش وكزا مره اظبط معاه افلام اباحيه..طبعا لانى مش بحبه فبتلكك عالخناق والمشاكل وسبت البيت كتير جدا ورافضه اخلف منه تانى وفنفس الوقت عملت المستحيل عشان اتطلق واهلي رافضين ده تماما وهو.فكل مره سبت البيت بيعمل المستحيل عشان يرجعلي ...ارجوكو.من غير تجريح انا كل يوم بموت وعارفه انها غلطتى مالاول بس بالله عليكو ساعدونى ..انا بموت نفسي احبه نفسي اخليه ييطل اللي بيشربه ده مع العلم انى.مهتمه جدا بنفسي وعلى.قدر مالجمال ومثقفه وكرهى للعلاقه الحميمه جه فالفتره الاخيره مش من اول جوازنا لانى فعلا كنت بحاول احبه واتاقلم.معاه زى.اى.جواز صالونات بس مش عارفه دايما كرهاه وكارهه شكله ولبسه وفنفس الوقت نفسي اسعده واسعد نفسي وهو البرشام اللي بيتعاطاه.مخليه عنده شخصيتين ساعه كويس جدا وساعه العكس تماما وده بيجننى واما بواجهه بيقولى ان.الكميه اللي بيشربها مش بتسبب اثر عالشخصيه ارجوكو.ساعدونى ولو فى.طبيبه نفسيه ممكن.تساعدنى عن طريق الفون تقول وارجو.قولولى.ازاى ارتاح واقدر اساعده.واحبه

السبت، 15 مارس، 2014

رسالة من معذبة





انا مطلقه 28 سنة بدون اولاد ملتزمه الحمد لله .طلقت منذ سنتين بعد زواج استمر 3 اشهر كان جحيما لا يطاق.لم اهنأ يوما واحدا مع طليقي المريض نفسيا الذي تزوجني من اجل ان يسميني مطلقه.لم يعاشرني بالمعروف ابدا وحرمني حقوقي الشرعيه كلها.حمدت الله انه اختار لي الافضل وتخلصت من ذاك الجحيم.لكن للأسف الشديد بدأ جحيم آخر بعد طلاقي.بعد ان تعايشت مع هذا المجتمع كمطلقه تمنيت لو اعود لطليقي لمجرد ان جحيمه اهون ولو بدرجه واحده من الجحيم الذي اعيشه منذ طلاقي.بداية من أقرب الناس وانتهاءا بالغرباء.تمنيت لو اني اعيش بزمن الرسول صلى الله عليه وسلم لكان جحيمي هذا انقلب الى جنة ورخاء.بصراحه فكرت لاول مره في حياتي في الانتحار واعلم ان هذا كفر وحرام لكن من شدة سوء الوضع.لاني مطلقه لم يتقدم لي احد منذ طلاقي.والكثير جرحو مشاعري بشكل واضح او مبطن.لا يوجد لدي صديقات مقربات.العزباء تخاف ان احسدها عندما تخطب والمتزوجه او المخطوبه تخاف ان اخطف زوجها والشاب يستهين بي ويفكر بي بطريقه غير محترمه او يستعر من الزواج مني ,ومن الناس من يشفقون علي وكأني مصابة بمرض عضال واخرون ينظرون الي نظره غير طبيعيه. والمصيبة الاهم تحكم الاهل والاخوه وخوفهم الزائد علي الذي لم اعد اطيقه ولا يوجد لدي حرية لاعيش حياتي.كما ذكرت انا ملتزمه وعلاقتي مع الله جيده الحمد لله لكن والله الوضع فوق طاقتي واحتمالي.ماذا افعل؟!!!!!!هل انتحر ام اهرب من هذا المجتمع؟ارجوكم افيدوني بحلول منطقيه تكون في ميزان حسناتكم ان شاء الله.

رسالة من اخت طالبة الدعاء لخطيبها المتوفى





برجاااء الدعاء بالرحمة والمغفرة وقراءة الفاتحة لخطيبى اللى كنت بتمنى فعلا انه يكون زوجى المستقبلى وابو اولادى هاجمه المرض الخبيث وتوفى فى ايام معدودة وكمان اللى قاهرنى انه كان مسافر ووحيد والده ووالدته متوفيين واخواته بعيد عنه كلواحد فى بلد ربنا ما يكتبها على حد المرارة اللى حاسة بيها مش قادرة اقول اد ايه كان طيب وخلوق ومتدين وكان بيحلم يعملى احلى فرح ونسافر كل مكان لكن مفيش غير انى اقول إنا لله وإنا إليه راجعون ... لله الأمر من قبل ومن بعد ياريت بدون ذكر اسمى لكن هو اسمه ( حـــازم )
نفسى الناس كلها تترحم على خطيبى وتدعى له ربنا يحتسبه شهيد مات مبطونا وفرحنا كان شهر 5 والله ما قابلت انسان فى طيبته ولا اخلاقه انا منهاااره بجد مات وحيد فى الغربة ووالدة ووالدته متوفيين وما اقدرتش حتى اشوفه لانه دخل فى غيبوبة اسبوع وتوفى ساعدونى وانشروا رسالتى لا اراكم الله مكروها

رسالة من اخت مش عارفة تعمل اية؟؟


انا متجوزه وعندى 3 اطفال وعندى مشكله مع جوزى انا هحكى الحكايه من الاول انا متجوزه من 9 سنين وهو معاملته وحشه اوووى دايما فيها اهانات وهو مش بيقصر فى حاجه مع اولاده بس بخيل معايا وهو من فتره كان بيكلم واحده فى التيلفون من حوالى 4 سنين وبعدين اكتشفت انها صحبتى وهى اللى عرفتنا على بعض اصلا لانها كانت تعرفه قبل ما نتجوز بس هو فهمنى انه هو اللى سابها ومكنش عايز يتجوزها وبعدين عرفت انها هى اللى سابته لما لقيت عريس افضل منه وبعده كده اتجوزنا وهى اتجوزت واتطلقت ف فى الفتره اللى هى كانت بتطلق فيها هى الفتره اللى رجعوا يكلموا بعض فيها وبعدين هى اتجوزت تانى وخلص الموضوع ده لكن دلوقتى هو بيكلم واحده تانى بس لما بواجهه بينكر ويكذب فى مره انا رنيت على الرقم اللى انا شاكه فيه ومردش بس تقررريبا هى كلمته وقالت ليه انى رنيت ف هو بدل ما يحرج من انى عرفت >> اتصل بيا وجه عمل مشكله كبييره واهانات كتير وبعدين اتفقنا ان هو ميكلمش حد تانى وانا هعمل كل اللى عايزه ومش هقصر معاه وفعلا عملت كده لكن هو لسه بيكلمها وبيكذب عليا وبيتهمنى بالجنون وانا فكرت فى الطلاق لكن هو قالى ان هيحرمنى من ولادى وهيعتبر مامتهم ماتت لو اطلقت ف ده اللى مخلينى مستحمله انا بجد تعبت اوووى اعمل ايه
ده غير انه حالف يمين طلاق من يوم متجاوزت ماروحش ل اختى وانا مشفوتش بيتها حتى وكل شويه يحلف طلاقات ع حاجات تافهه
اعمل ايه

رسالة من أخت مريضة وطالبة الدعاء


السلام عليكم ورحمة الله وبركاته
انا بس عايزة اطلب طلبين ومن غير ذكر اسمى
انا ف اشد الحاجة لدعوة بظهر الغيب ان ربنا يشفينى شفاءا تاما لا يغادره سقم ولا علة
وتانى حاجة عايزة اطلب من كل واحدة بعتت مشكلة وانا اولكم الحياة قصيره اوى بلاش نعيشها ف نكد وهم ارمى كله ولا ظهرك واستمتع واطلب من ربنا الصحة والستر ف الدنيا وحسن الخاتمة والجنة ف الاخرة واحمد ربنا على كل حاجة


رسالة من محتارة



لو سمحت ممكن اخد رايكو فى موضوع انا 25 سنة فى واحدة معايا فى الشغل رشحتنى لعريس معرفتها وفعلا جة البيت هو واهلوا هو شغال واهلوا محترمين جدا هو 29 سنة بس مش عارفة لية اول ما شفتوا حسيت احساس غريب اديقت مش عارفة لية وانا اصغر واحدة فى اخواتى وكلهم مجوزين مفيش غيرى وطبعا اهلى نفسهم يفرحوا بيا مش عارفة اعمل اية واهلى مرحبين جدا بالموضوع هو كشكل مش حلو بس واللة مش ببص لكدة عشان عارفة انوا حرام اعمل اية سا عدونى اسفة طولت عليكم بدون اسم



منقول