السبت، 22 مارس 2014

ارجو المساعدة



ارجو المساعده ضرورى وكمان ياريت تشيرى الرساله دى فى اكتر من صفحه عشان اكبر عدد من الناس يشوفها الحكايه باختصار انى عملت حادثه بعربيتى وخبطت عربيه تانيه الراجل كان ماشى فى حاله انا اللى خبطه غصب عنى لان السرعه خانتنى وكمان كنت ساعتها بزعق لابنى وابن اختى ورا عشان عاملين مشاكل المهم انى خبطه بوظتله الباب بتاع عربيته بالزجاج ولقيت ابنى بيصوت بيقولى جنبى وراسى هموت معرفتش افكر دخلت شارع جانبى علشان اوديه اقرب مستشفى لانى عارفه المنطقه كويس وارقب مستشفى كانت مستشفى 75375 طبعا انا عارفه ملهاش علاقه بس انا قلت اى دكتور يطمنى عليه المهم صاحب العربيه افتكرنى بهرب جرى ورايا رحت لما شفته وقفت قلت افهمه الوضع اول ما وقفت الناس شافونى بعيط وبقوله اودى ابنى بس المستشفى وخد اللى انت عايزه تعالى معايا انا غلطانه الناس اتعاطفت معايا ومشتنى ومرضيتش تخليه ياخد رقمى المشكله بقى ان ضمير تعبنى اوى ونفسى اصلحله العربيه بس والله العظيم الناس اللى صممت امشى لدرجه انهم زقوا العربيه بتاعتى وواحد دخل ايده من الزجاج وحرك الدريكسيون عشان انا مكنتش عايزه امشى انا عايزه اوصلل للراجل ده مش عارفه ازاى عشان احاول اعوضه ارجوكى انشري الرساله فى كل الصفحات عسى ان حد يعرف مراته او حاجه لانى بجد مش عارفه اعمل ايه انا مش عارفه انام

هناك 6 تعليقات:

  1. طيب ممكن أقول رأيى ياجميلة هو على أدى بس لو أنا مكنها هعمل كدة
    أولا أرجعى مكان المشكلة يمكن يكون حد أخد المكرة بغرد الفضول أو أى حاجة فى تفكيرة
    وكمان المفروض ان البوست دة يتنشر زى ماهوة كدة على الفيس بوك لعل وعسى يكون حد من أولادة أو أى حد عارف المشكلة فيقول لة .وأخر حاجة خالص لو معرفتش توصل لهذا الرجل تتبرع بقيمة التصليح لحد محتاج أو فى أحد الجوامع التى تراعى الأيتام وجزاها الله عنة كل الخير.
    فى الأخر بقى أقول أزيك ياجميلة وحشانى أنتى عاملة أية ومريم يارب تكونوا جميعا بخير .

    ردحذف
  2. أولا أرجعى مكان المشكلة يمكن يكون حد أخد المكرة بغرد الفضول أو أى حاجة فى تفكيرة
    معلش ياجميلة العتب على النظر معلش كنت أقصد يكون حد أخد النمرة أقصد نمرة العربية اللى خبطتها الأخت :) تحياتى للجميع

    ردحذف
  3. ماهو فعلا نزل على الفيس بوك يا قمرايه

    انا تمام الحمد لله وانتى عمان وحشانى كتيرر الحمد لله مريم كويسه ربنا يخليكى

    سلام يا سكره

    ردحذف